თამარ მილაძე — ქალი, რომელმაც თავდაუზოგავი შრომით, ცოდნითა და რწმენით ესთეტიკური მედიცინის სფეროში საკუთარი ძლიერი სიტყვა თქვა

თამარ მილაძე პროფესიით ექიმ-კოსმეტოლოგია, საერთაშორისო ტრენერი, სხვადასხვა კონფერენციის სპიკერი და ესთეტიკური მედიცინის სფეროში ერთ-ერთი გამორჩეული პროფესიონალი. იგი არის WAMAC Congress Egypt-ის თანაორგანიზატორი, კანადის ესთეტიკური მედიცინის ასოციაციის ოფიციალური წარმომადგენელი საქართველოში, ასევე ევროპის ესთეტიკური მედიცინის ასოციაციის ოფიციალური წარმომადგენელი და ლიცენზირებული ტრენერი. თამარი ევროპის ესთეტიკური დერმატოლოგიისა და დერმატოვენეროლოგიის სასწავლო ინსტიტუტის სპიკერია. მან დააფუძნა „Medac_BAP“-ის სილამაზისა და ესთეტიკის სამედიცინო აკადემია საქართველოსა და ომანში. მისი პროფესიული გზა აერთიანებს სამედიცინო ცოდნას, საერთაშორისო გამოცდილებას, ლიდერობასა და უწყვეტ განვითარებაზე ორიენტირებულ ხედვას.

საზოგადოება მას კარგად იცნობს როგორც მარიამს — სახელით, რომელიც მის პროფესიულ გზასთან, ადამიანებთან განსაკუთრებულ ურთიერთობასთან და მის მიერ შექმნილ ნდობასთან ასოცირდება.

თამარის კარიერული გზა მარტივი არასოდეს ყოფილა. პირიქით — ეს იყო წინააღმდეგობებით, სირთულეებითა და უხილავი გამოწვევებით სავსე, რომელიც განსაკუთრებულ ძალას, მოთმინებასა და რწმენას მოითხოვდა. როგორც თავად აღნიშნავს, საქართველოში მარტოხელა დედისთვის საკუთარი თავის რეალიზება და პროფესიული განვითარება ხშირად ორმაგ ძალისხმევას ნიშნავს. თუმცა, ეს არასოდეს გამხდარა მისთვის გაჩერების მიზეზი. პროფესიული გზა კონსტანტინე ერისთავის სახელობის ქირურგიის ეროვნულ ცენტრში ექთნის დამხმარის პოზიციაზე დაიწყო. პატარა ნაბიჯებით, მაგრამ დიდი მიზნებით. სწორედ აქედან დაიწყო მუდმივი შრომა, სწავლა, შეცდომები და ისევ წინსვლა, რომელმაც საბოლოოდ იმ ნიშნულამდე მიიყვანა, სადაც დღეს თამარ მილაძე საკუთარი სახელითა და საქმით უკვე ფართო პროფესიულ აღიარებას ფლობს.

მის ცხოვრებაში ერთ-ერთი ყველაზე მნიშვნელოვანი გადაწყვეტილება ექიმობა იყო — არჩევანი, რომელიც მამის რჩევით გააკეთა. თამარის კარიერაში ბევრი რთული ეტაპი ყოფილა. ის დღესაც გადის ერთ-ერთ მნიშვნელოვან პროცესს — უზარმაზარი კლინიკის გახსნას, რომელიც ბევრისთვის თითქოს შეუძლებელი ჩანდა. ეს სივრცე შეიქმნა უდიდესი შრომით, ძალისხმევით და საკუთარი შესაძლებლობების ბოლომდე მობილიზებით. როგორც თავად ამბობს, ამ საქმეში ყველაფერი ჩადო, ამიტომ ეს ნაბიჯი მისთვის მხოლოდ პროფესიული მიღწევა არ არის. ეს შინაგანი გამარჯვებაცაა. მას განსხვავებულს ხდის არა მხოლოდ პროფესიული გამოცდილება, არამედ საერთაშორისო აკრედიტაცია, რომელიც მსოფლიო მასშტაბზე მოქმედი სასწავლო ცენტრების დამფუძნებლის სტატუსს აძლევს. ასევე, შესაძლებლობას, რომ ესთეტიკურ მედიცინაში საერთაშორისო ხარისხის დიპლომები გასცეს.

თამარ მილაძე არის ორი კლინიკის მეპატრონე საქართველოში და ერთის პარტნიორი ომანში, არის ევროპის საერთაშორისო დერმატოლოგიისა და ვენეროლოგიის სასწავლო ინსტიტუტის ესთეტიკური მიმართულების აკრედიტირებული ლიცენზირებული ტრენერი, კანადის საერთაშორისო ესთეტიკური მედიცინის ცენტრის ოფიციალური ექსკლუზიური წარმომადგენელი საქართველოში, ესთეტიკური მედიცინის მსოფლიო მასტერების კონგრესის თანაორგანიზატორი ეგვიპტეში, პაკისტანში და უკვე საქართველოს მასშტაბით დაგეგმილ ღონისძიებებშიც. ის ასევე არის სილამაზის, ესთეტიკური მედიცინისა და პლასტიკური ქირურგიის აკადემიის დამფუძნებელი საქართველოში და ომანში. თითოეული ეს ნაბიჯი მის მრავალწლიანი შრომის, პროფესიული სიმტკიცისა და დაუღალავი განვითარების პირდაპირი შედეგია.

განსაკუთრებით აღსანიშნავია მისი მეორე კლინიკა — „დოქტორ მ კლინიკა“, რომლის ერთ-ერთი თანადამფუძნებელია შვედი პროფესორი ლაზერულ ტექნოლოგიებში, ასევე პროფესორი გინეკოლოგიასა და სექსოლოგიაში, მიშელ ალ ჯუბრანი. ეს კლინიკა წარმოდგენილია არა მხოლოდ თბილისში, არამედ შვედეთსა და ამერიკის შეერთებულ შტატებში, ფენიქსშიც. ეს ფაქტი კიდევ ერთხელ უსვამს ხაზს იმ საერთაშორისო მასშტაბს, ხედვასა და პროფესიულ ნდობას, რომლითაც თამარ მილაძის საქმიანობა უკვე დიდი ხანია გამოირჩევა.

თამარი თავის ყველაზე დიდ წარმატებად დედობას მიიჩნევს. ეს არის მისი ცხოვრების მთავარი ჯილდო და ღირსება. მისთვის ყველაზე დიდი სტიმული შვილები, დედა, ყოფილი დედამთილი, მეგობრები და ის ადამიანები არიან, რომლებიც მის წინსვლას გულით ელიან და უხარიათ მისი წარმატება. მისთვის ეს მხარდაჭერა მხოლოდ ემოციური საყრდენი არ არის — ეს არის ძალა, რომელიც ყოველდღიურად ამოძრავებს. განსაკუთრებით აფასებს იმ ადამიანებს, ვინც მის ცხოვრებაში არა მხოლოდ გვერდით დგომით, არამედ მოტივაციით, რწმენითა და სითბოთი მონაწილეობენ. სწორედ ეს ახლო წრე აძლევს ენერგიას, რომ მუდმივად იბრძოლოს და საკუთარი შესაძლებლობები კიდევ უფრო მეტად განავითაროს.

მისი ცხოვრების რიტმი დღეს მთლიანად შრომასა და საქმიანობაზეა აწყობილი. ბალანსი პრაქტიკულად არ აქვს, რადგან ძირითადად მუშაობს, ქმნის, ავითარებს და ახალ პროექტებზე ფიქრობს. თუმცა მომავალში სურს მეტი დრო დაუთმოს პირად ცხოვრებას, დედას, შვილებს და საყვარელ ადამიანს. ამავე დროს კარიერულადაც გეგმავს ძალიან დიდ და საინტერესო პროექტს, რომელიც ჯერჯერობით მედიცინასა და ესთეტიკურ სფეროს არ უკავშირდება, თუმცა მის მომავალში აუცილებლად მნიშვნელოვანი ადგილი ექნება.

თამარ მილაძე მუდმივად სწავლობს და საკუთარ პროფესიულ განვითარებაში თითქმის ყველა რესურსს ისევ უკან, ცოდნაში აბრუნებს. გადის უამრავ ტრენინგს, მოგზაურობს მსოფლიოს წამყვან პროფესორებთან და სპეციალისტებთან სასწავლო ვიზიტებისთვის, კითხულობს მსოფლიო ლიტერატურას და არასოდეს ეშინია კითხვის დასმის, როცა რაიმე არ იცის ან უკეთ დაზუსტება სჭირდება. სწორედ ეს მიდგომა ქმნის მის პროფესიულ სიმყარეს — მუდმივი ზრდა, მუდმივი შრომა და მუდმივი სიახლეებისკენ გახსნილობა.

თამარ მილაძე საკუთარ პოზიციას მხოლოდ პირადი წარმატებისთვის არ იყენებს. მისთვის ძალიან მნიშვნელოვანია, რომ მისი საქმიანობა რეალურ დახმარებად იქცეს სხვებისთვის. სწორედ ამიტომ ის ხშირად აძლევს ქალბატონებსა და სხვა მსურველებს საშუალებას, უსასყიდლოდ ჩაიტარონ პროცედურები ტრენინგებზე. განსაკუთრებულ ყურადღებას უთმობს მარტოხელა დედების, ძალადობის მსხვერპლი ქალების, სოციალურად დაუცველი და მრავალშვილიანი ოჯახების მხარდაჭერას. მისი ახალი ტრენინგ ცენტრი ყოველთვიურად უზრუნველყოფს ერთი მსურველის უფასო გადამზადებას სილამაზის სფეროს სხვადასხვა მიმართულებით. ამ ყველაფერში მისი სოციალური პასუხისმგებლობა და ადამიანების დახმარების გულწრფელი სურვილი მკაფიოდ ჩანს.

მისთვის წარმატება მატერიალური მიღწევებით არ იზომება. როგორც თავად ამბობს, სახლი, კლინიკები და მოპოვებული კომფორტი მხოლოდ ცხოვრების ნაწილია, მაგრამ არა საამაყო არსი. ის ყველაზე მეტად ამაყობს საკუთარი სახელით — იმით, რომ მის სახელს იცნობენ, მის პროფესიონალიზმს აფასებენ, მის მიერ გამოზრდილი 192 ექიმი დღეს მსოფლიო მასშტაბით მუშაობს, ხოლო უკიდურესად მადლიერი და სიყვარულით სავსე პაციენტები მის ყველაზე დიდ წარმატებად იქცნენ. მისთვის სწორედ ეს ნდობა, საერთაშორისო პაციენტების მოზიდვა და ის ფაქტი, რომ ადამიანები ევროპიდან, აზიიდან და არაბული ქვეყნებიდანაც კი მის სახელზე მოდიან, პროფესიული წარმატების ყველაზე მაღალი გამოხატულებაა.

მის კარიერაში ერთ-ერთი ყველაზე რთული გადაწყვეტილება იყო 2020 წელს საქართველოში დაბრუნება და იმ მაღალანაზღაურებად უცხოურ შეთავაზებებზე უარის თქმა, რომლებიც შეეძლო მიეღო. თუმცა მან გადაწყვიტა, რომ სწორედ საქართველოში უნდა დაეფუძნებინა საკუთარი პროფესიული სივრცე და აქ უნდა შეექმნა ის, რაც დღეს მის სახელს უკავშირდება. ეს გადაწყვეტილება კიდევ ერთხელ აჩვენებს, რომ თამარ მილაძისთვის კარიერა მხოლოდ პირადი კეთილდღეობა არ არის — ეს არის არჩევანი, რომელიც ღირებულებებს, შინაგან რწმენას და საკუთარი ქვეყნისთვის საქმის კეთების სურვილს ეფუძნება.

თამარ მილაძის ისტორია არის მაგალითი იმისა, თუ როგორ შეიძლება სირთულეებით სავსე გზა დიდ პროფესიულ ძალად, საერთაშორისო აღიარებად და ადამიანებისთვის რეალურ იმედად იქცეს. ეს არის ქალის გზა, რომელმაც პატარა ნაბიჯებიდან მსოფლიო მასშტაბის აკრედიტაციამდე, პირადი ბრძოლებიდან პროფესიულ სიმაღლეებამდე და მარტოხელა დედობიდან ძლიერი ლიდერობის მაგალითამდე დიდი გზა გაიარა, რომელიც ჯერ კიდევ გრძელდება.