ლიდერ ქალთა საზოგადოება გიწვევთ მე-12 საქველმოქმედო და წარდგენის ღონისძიებაზე, რომელიც გაიმართება 22 ივნისს, სასტუმრო “შერატონში”. წლევანდელი ღონისძიება ეძღვნება ძუძუს კიბოს პრობლემატიკის შესახებ საზოგადოების ცნობიერების ამაღლებას.

ღონისძიება დაიწყება 17:00 საათზე (რეგისტრაცია 16:00-დან) და გაგრძელდება 20:00 საათამდე. დამსწრეებს ელოდებათ სრულიად ახალი ფორმატის პროგრამა, რომელიც მოიცავს შთამაგონებელ გამოსვლებს, ონკო პაციენტების დეფილეს, მუსიკალურ წარმოდგენებს და ორგანიზაციის ახალი წევრების წარდგენას.

განსაკუთრებული ყურადღება გამახვილდება ქალთა ჯანმრთელობის საკითხებზე. ცნობილი ექიმები და ჯანდაცვის სპეციალისტები წარმოადგენენ უახლეს კვლევებსა და რეკომენდაციებს. ღონისძიებაზე ასევე მოეწყობა გამოფენა-გაყიდვა “ქალი მეწარმეები”, სადაც წარმოდგენილი იქნება ქალი მეწარმეების პროდუქცია სხვადასხვა სფეროდან.

მნიშვნელოვანია, რომ ღონისძიება დახურულია და დასწრება შეუძლიათ მხოლოდ მოწვეულ სტუმრებს, ბიდისი აკადემიის სტუდენტებს და იმ პირებს, ვისაც აქვს სპეციალური მოსაწვევი ან შეძენილი ბილეთი. ბილეთების ფასები მერყეობს 50-დან 150 ლარამდე.

საქველმოქმედო ელემენტის სახით, სტუმრებს შესაძლებლობა ექნებათ შეიძინონ ბიდისი აკადემიის სტუდენტების მიერ დამზადებული გულსაბნევები, რომელთა ღირებულება მთლიანად მოხმარდება ონკოლოგიური პაციენტების დახმარებას. ასევე, შესაძლებელი იქნება “BUSINESS WOMEN MAGAZINE”-ს სპეციალური გამოცემის შეძენა, რომლის გაყიდვებიდან შემოსული თანხის 30% მოხმარდება ძუძუს კიბოს სკრინინგის პროგრამას საქართველოს რეგიონებში.

ღონისძიებას დაესწრებიან საერთაშორისო სტუმრები – წარმატებული ქალი ლიდერები ბრიტანეთიდან, ამერიკიდან, უკრაინიდან და თურქეთიდან.

დამატებითი ინფორმაციისთვის ეწვიეთ: https://linktr.ee/leader_women_society