თეა თევდორაძე განათლებითა და პროფესიით სამედიცინო სფეროს წარმომადგენელია, თუმცა მან გადაწყვიტა,რომ თავისი სიცოცხლე მთლიანად სილამაზის ინდუსტრიასა და ხელოვნებისთვის მიეძღვნა.

მისი პროფესიული გზა დაიწყო ფარმაციის სფეროში, თუმცა გული მუდამ მიუწევდა სილამაზის და ხელოვნების სამყაროსკენ. 12 წლიანი გამოცდილების მქონე ვიზაჟისტი, რომელმაც თავისი კარიერა სამოდელო სააგენტოში აიწყო, დღეს წარმოადგენს ქალს, რომელმაც შეძლო სხვადასხვა სფეროების წარმატებით გაერთიანება.

სამოდელო სააგენტოში მუშაობისას მან არა მხოლოდ დამწყებ მოდელებს უსაზღვრო პროფესიული გამოცდილება გაუზიარა, არამედ მათ სრულყოფილი იმიჯის შექმნაში დაეხმარა. მისი მუშაობა არ შემოიფარგლებოდა მხოლოდ ვიზაჟით – იგი აქტიურად თანამშრომლობდა გადაღებებზე, რაც კიდევ უფრო ამდიდრებდა მის პროფესიულ პორტფოლიოს.

მისი ყველაზე მნიშვნელოვანი და უნიკალური მიღწევაა ალმასების მოზაიკის ხელოვნების პოპულარიზაცია. გახდა პირველი ქალი საქართველოში, რომელმაც ამ უძველეს ხელოვნებას ახალი სული შთაბერა. მისმა პერსონალურმა გამოფენებმა არა მხოლოდ საზოგადოების აღიარება დაიმსახურა, არამედ მნიშვნელოვანი საქველმოქმედო მისია შეასრულა – დახმარება გაუწია შეჭირვებულ მოხუცებს.

მისი მოტივი წარმოადგენს წარმატებისა და პიროვნული ზრდის შესახებ. მიაჩნია, რომ არ არსებობს გადაუჭრელი პრობლემა, მხოლოდ სწორი მიდგომისა და ძლიერი ნებისყოფის საჭიროება. ყოველი გამოწვევა მისთვის შესაძლებლობაა პიროვნული განვითარებისა და თვითრეალიზაციისთვის.

მისი რწმენაა, რომ ქალს შეუძლია იყოს წარმატებული ნებისმიერ სფეროში – იქნება ეს კულტურა, ხელოვნება, სპორტი, პოლიტიკა თუ რაიმე სხვა მიმართულება. მთავარია, ქალმა თავად შეძლოს საკუთარი როლის განსაზღვრა, სურვილებისა და მიზნების რეალიზება.

მისი გზავნილი სხვა ქალებისადმი არის შთამაგონებელი და ძლიერი: იყავით თავდაჯერებული, შრომისმოყვარე, მიზანდასახული. სწამს, რომ იმედი, შეუპოვრობა და მიზანსწრაფულობა წარმატების უტყუარი გარანტიაა.

ეს ქალი ცხადყოფს, რომ წარმატება არ არის მხოლოდ პროფესიული მიღწევა. ეს არის სამყაროსადმი სიყვარული, ადამიანებისადმი ზრუნვა, უწყვეტი თვითგანვითარება და იმის დემონსტრირება, რომ საკუთარ თავში მდებარეობს ყველა შესაძლებლობა.