🔻 ლიდერ ქალთა საზოგადოების ჟურნალი “BUSINESS WOMEN MAGAZINE 2025” წელს ნამდვილ ბესტსელერად იქცა! ასობით გაყიდული ტირაჟი, ასობით წარმატებული ქალბატონის ისტორია და კიდევ უფრო მეტი მკითხველი, რომლებიც ყოველ გამოცემაში ახალ შთაგონებას პოულობენ. ჟურნალი აერთიანებს სხვადასხვა სფეროში მოღვაწე მეწარმეებს, განათლების, ბიზნესისა და ხელოვნების ლიდერებს, განსაკუთრებით კი იმ ქალბატონებს, რომლებმაც საკუთარი წარმატების გზაზე რთული ნაბიჯები გადალახეს. სწორედ მათი გამოცდილება, რეალური ისტორიები და პრაქტიკული რჩევები ქმნის უნიკალურ გამოცემას, რომელიც მკითხველს არამხოლოდ ცოდნას, არამედ მოტივაციასაც აძლევს.

🔻 უკვე მრავალი წელია ჟურნალი ხელმისაწვდომია საქართველოში და ევროპის ქვეყნებში, თუმცა 2025 წელი განსაკუთრებული აღმოჩნდა — გამოცემა გასცდა ევროპის საზღვრებს და აშშ-სა და დიდ ბრიტანეთშიც დაინერგა! ეს არის აღსანიშნავი მიღწევაა, რომელიც ადასტურებს, რომ ქალბატონების გამოცდილება, ხედვა და პროფესიული წარმატებები მკითხველისთვის მოთხოვნადია. ამ ნაბიჯმა მნიშვნელოვნად გაზარდა ჟურნალის ცნობადობა, გახსნა ახალი კავშირები საერთაშორისო აუდიტორიებთან და კიდევ ერთხელ აჩვენა, რომ ქალთა ლიდერობა საზღვრებს არ ცნობს.

🔻 BUSINESS WOMEN MAGAZINE-ის ტირაჟებში თავმოყრილია ისტორიები საქართველოს სხვადასხვა რეგიონში და სხვადასხვა ქვეყანაში მოღვაწე ქალბატონებზე — მათ საქმიანობაზე, გამოწვევებსა და მიღწევებზე. ხშირია შემთხვევა, როდესაც მკითხველები, გვიზიარებენ თავიანთ მოსაზრებას, რომ სწორედ ამ ჟურნალებში წაკითხული ქალბატონების რეალური ისტორიები გახდა მათთვის მოტივაციის წყარო, ახალი ძალა, გაბედული ნაბიჯების გადადგმის სტიმული. ეს ჟურნალი არა მხოლოდ ინფორმაციაა, არამედ პლატფორმა, სადაც ქალები ერთმანეთს ძალას, მხარდაჭერასა და შთაგონებას აძლევენ — და სწორედ ეს ხდის მას ნამდვილ ბესტსელერად.