”ლიდერ ქალთა საზოგადოება” უკვე წლების განმავლობაში წარმატებით ახორციელებს მნიშვნელოვან პროექტებს, რომლებიც მიზნად ისახავს ქალთა გაძლიერებას და გენდერული თანასწორობის ხელშეწყობას საქართველოში. ორგანიზაციას, უამრავი პროფესიონალი და მოტივირებული პიროვნება ჰყავს, სწორედ ერთ–ერთი გახლავთ ციცი ბეროზაშვილი, რომელიც ორგანიზაციას 2022 წლიდან შემოუერთდა, იგი მუდმივად მონაწილეობს იმ პროექტებსა და აქტივობებში, რომელსაც ორგანიზაცია სთავაზობსთავის წევრებს. ”ლიდერ ქალთა საზოგადოება” მუდმივად ქმნის ახალ შესაძლებლობებს ქალებისთვის, რაც ხელს უწყობს მათ აქტიურ და უშუალო ჩართულობას როგორც პროფესიულ, ასევე საზოგადოებრივ საქმიანობაში.   უპირველესად გაგვეცანით. მე გახლავართ ციცი ბეროზაშვილი, დავამთავრე ივ. ჯავახიშვილის სახელობის თბილისის სახელმწიფო უნივერსიტეტი და ვარ ფილოლოგიის მეცნიერებათა დოქტორი. მყავს მეუღლე – დავით ზილფიმიანი, რომელიც წარმოადგენს მაღალი რანგის დოქტორ–აკადემიკოსსა და საქართველოს მე-10 მოწვევის პარლამენტის წევრს, ამავდროულად მყავს 2 შვილი და 4 შვილიშვილი. თქვენი გამოცდილებისა და კარიერულიგზის შესახებ გვიამბეთ. უნივერსიტეტის დასრულების შემდეგ დავიწყე მუშაობა სკოლაში, ქართული ენისა და ლიტერატურის განხრით. ვასწავლიდი მაღალ კლასებს. მაშინვე დავიწყე იმ განსხვავებული და ინოვაციური მიდგომების გამოყენება, რაც ჩემს გაკვეთილებს განსაკუთრებულობას სძენდა. ჩემი გაკვეთილები განსხვავდებოდა იმ დროისთვის გავრცელებული, ჩარჩოში ჩასმული და მოსაწყენი გაკვეთილებისგან. მე ვიყავი ნოვატორი პედაგოგი. თითოეული გაკვეთილის ახსნა ემოციური და პროფესიონალური იყო, სადაც ჩვენ ყველა ვხდებოდით იმ ლიტერატურული პერსონაჟის ნაწილი, რომლის შესახებაც ვსწავლობდით. ვატარებდი საჩვენებელ გაკვეთილებს, სადაც ქართული ენისა და ლიტერატურის სიყვარულთან ერთად, პატრიოტიზმი და სამშობლოს სიყვარული იყო ჩვენი მთავარი კრედო. ამ სულისკვეთებით გავზარდე მრავალი თაობა. მოგვიანებით ვკითხულობდი ლექციებს კერძო უნივერსიტეტში „საქართველო“, ხოლობოლოს, ივ. ჯავახიშვილის სახელობის თბილისის სახელმწიფო უნივერსიტეტში, უახლესი ქართული ლიტერატურის კათედრაზე.   რა არის თქვენი ძირითადი საქმიანობა? ჩემი საქმიანობა დროებით შეჩერებული იყო, რაც ქვეყანაში მიმდინარე რთული მდგომარეობითა და პანდემიით იყო გამოწვეული. ამჟამად ჩემი პროფესიით აღარ ვმუშაობ, ვფიქრობ, ასპარეზი ახალგაზრდებს უნდა დავუთმოთ, მაგრამ აქტიური ადამიანი ვარ და ისე ვერ გავჩერდებოდი. გადავწყვიტე, საზოგადოებრივ საქმიანობაში ჩავრთულიყავი. საზოგადო მოღვაწე ის პირია, რომელიც მჭიდროდ არის დაკავშირებული საზოგადოებრივ ინტერესებთან. ვარ: •​მსოფლიო ებრაელ–ქართველ ქალთაორგანიზაციის წევრი, •​„ლიდერ ქალთა საზოგადოების“ წევრი 2022 წლიდან, •​საზოგადოება „თაობა 21 საქართველოს“ პროექტის „აფხაზეთი მე ვარ – მშვიდობის ელჩი“, •​საერთაშორისო ორგანიზაცია „სახალხო დიპლომატიის“ თანადამფუძნებელი, რომელიც წელს 10 წლის იუბილეს აღნიშნავდა. •​შეყვანილი ვარ  ქალბატონ ნინო რეხვიაშვილის მიერ გამოცემულ სამ წიგნსა და ჟურნალში („სამყაროს სამკაულები“, „წახნაგები“, „ნიჭიერების კვალდაკვალ“) როგორც თბილისის ქალთა წარჩინებული საზოგადოების წარმომადგენელი. •​ვარ საზოგადოებრივი აზრის ასოციაციის ინსტიტუტის ნამდვილი წევრი. •​2024 წელს, ნინო ანდრო ნიკაშვილთან ერთად, დავაფუძნე საერთაშორისო ორგანიზაცია„დიპლომატთა ერთობა“, რომელიც მოიცავს პროექტს „თბილისი ყველას აერთიანებს!“ პირველი ღონისძიება ანშლაგით ჩატარდა და ამან უფრო მეტი მოტივაცია მომცა. ორგანიზაციის მიზანია, დიპლომატიის გზით, ხალხთა შორის მეგობრობისა და ქართული კულტურის პოპულარიზაციისთვის მუშაობა სხვადასხვა დიასპორულ ორგანიზაციებთან. •​პროექტი „თბილისი ყველას აერთიანებს“ მიზნად ისახავს გამოჩენილი ადამიანების დაჯილდოებას მათი ნიჭის, ღვაწლის, უნარის, შემოქმედებისა და სამეცნიერო საქმიანობის მიხედვით. პროექტი ტრადიციულ ხასიათს მიიღებს და ყოველ წელს 10 ნომინანტი შეირჩევა სხვადასხვა სფეროდან….