გასულ შაბათს, ბიდისი აკადემიის სივრცეში ლიდერ ქალთა საზოგადოების ორგანიზებით გაიმართა განსაკუთრებული ღონისძიება “წარმატების გზა: ლიდერ ქალთა გამოცდილება და გზა”, რომელმაც ერთად შეკრიბა წარმატებული ქართველი ქალბატონები ბიზნესის სხვადასხვა სფეროდან.

არაფორმალური სალონური შეხვედრის ფორმატში, ლიდერ ქალთა საზოგადოების ჟურნალის :Business Women Magazine”-ის ყდაზე გამოსახულმა ლიდერმა ქალბატონებმა დამსწრეებს გაუზიარეს თავიანთი პირადი ისტორიები, გამოწვევები და პრაქტიკული რჩევები, რომლებიც მათ წარმატების მისაღწევად გამოიყენეს.

“ეს ღონისძიება განსაკუთრებული იყო იმით, რომ არ წარმოადგენდა ტრადიციულ ტრენინგს ან სემინარს, არამედ იყო გულწრფელი დიალოგი წარმატებულ პროფესიონალებთან მეგობრულ გარემოში,” – აღნიშნა ღონისძიების ერთ-ერთმა ორგანიზატორმა.

შეხვედრის მონაწილეებმა მოისმინეს მრავალფეროვანი ისტორიები ქალბატონებისგან, რომლებიც მოღვაწეობენ სხვადასხვა სექტორში – მცირე მეწარმეობიდან დაწყებული, კორპორატიული მენეჯმენტით დამთავრებული. ღონისძიებას განსაკუთრებული ელფერი შემატა საერთაშორისო დონეზე წარმატებული ქართველი ქალბატონების ვიდეო მიმართვებმა, რომლებმაც თავიანთი გამოცდილება და რჩევები დისტანციურად გაუზიარეს დამსწრეებს.

შეხვედრის ფარგლებში ლიდერ ქალთა საზოგადოების ადმინისტრაციამ ჩაატარა პრეზენტაცია ჟურნალ “Business Women Magazine”-ის შესახებ, სადაც დამსწრეებმა დეტალური ინფორმაცია მიიღეს ჟურნალის გავრცელების არეალისა და მასში მოხვედრის შესაძლებლობების შესახებ.

“არაჩვეულებრივი გამოცდილება იყო მოსმენა იმ გამოწვევებისა და დაბრკოლებების, რომლებიც ამ ქალბატონებმა გადალახეს. მათი ისტორიები ნამდვილად შთამაგონებელია,” – გაგვიზიარა შთაბეჭდილება ერთ-ერთმა დამსწრემ.

ღონისძიების დასრულების შემდეგ, მონაწილეებს საშუალება ჰქონდათ პირადად გასაუბრებოდნენ სპიკერებს, დაემყარებინათ პროფესიული კონტაქტები და შეეძინათ ჟურნალის უახლესი გამოცემა.

ლიდერ ქალთა საზოგადოება აცხადებს, რომ მომავალში იგეგმება მსგავსი ფორმატის შეხვედრების რეგულარულად ჩატარება, რათა კიდევ უფრო მეტმა ადამიანმა შეძლოს წარმატებული ქალბატონების გამოცდილებისა და რჩევების გაზიარება.

როგორც ღონისძიების ორგანიზატორებმა აღნიშნეს: “გვჯერა, რომ წინ ერთად ბევრი სიახლე გველის და ასეთი შეხვედრები მნიშვნელოვან როლს ითამაშებს ქართულ ბიზნეს სივრცეში ქალთა როლის გაძლიერებაში.”