ლიდერ ქალთა საზოგადოების რიგებს კიდევ ერთი საინტერესო და გამორჩეული ქალბატონი შეემატა.

ნინო ნადირაძე დაიბადა თბილისში, დაასრულა 55-ე საშუალო სკოლა, მედალზე. იმავე წელს ჩააბარა თბილისის სახელმწიფო სამედიცინო უნივერსიტეტში, რომელიც ასევე წარმატებულად დაასრულა.

1997 წლიდან 2012 წლამდე იგი მუშაობდა კარდიოლოგად, ლეჩკომბინატში. 2012 წლიდან გარკვეული პერიოდი მუშაობდა კლინიკა “ლანცენტში”. 2015 წელს იგი ისევ მიუბრუნდა და დღემდე მუშაობს კლინიკა ვივამედში, გენერალური დირექტორის პოზიციაზე.

გარდა ამისა, 1997 წლიდან დღემდე მუშაობს კუზანოვის კლინიკაში, კარდიოლოგად. ასევე, ქალბატონი ნინო გახლავთ გადაცემა primeshow-ს ტელეწამყვანი. ქ-ნ ნინო ამჟამად გახლავთ თბილისის სახელმწიფო სამედიცინო ფაკულტეტის დოქტორანტი.