გვითხარით თქვენი პროფესიის შესახებ

-მე ვარ ექიმი-სტომატოლოგი, ჩემი სპეციალობებია – ენდოდონტია, პაროდონტოლოგია, ორთოპედია. ვთვლი, რომ ძალიან საინტერესო და მრავალფეროვანი პროფესია მაქვს. ყოველდღიური გამოწვევებითა და ახლის ძიებით დატვირთული. ალბათ ამის გამოა, რომ ჩემი პროფესია, უკვე ამდენი წლის განმავლობაში, ჩემთვის ყოველდღიურ რუტინად არ გადაქცეულა.

გაეცანით საზოგადოებას, მოკლედ მოგვიყევით თქვენი და თქვენი საქმიანობის შესახებ…მოკლე მიმოხილვა და გზა, რომელმაც მიგიყვანათ იქ, სადაც დღეს ხართ.

-მე ვარ ეკატერინე ცირეკიძე, ქალი, რომელმაც თავის ცხოვრების მოწოდებად მედიცინა, კერძოდ სტომატოლოგია აირჩია და ამით ბედნიერი ვარ. უმაღლესი განათლება მივიღე საქართველოში, კერძოდ ა. წერეთლის ქუთაისის სახელმწიფო უნივერსიტეტში. ამის შემდეგ 2005 წლამდე სწავლა და პროფესიით მუშაობა გავაგრძელე რუსეთის ფედერაციაში, სადაც იმ პერიოდში ჩემი მშობლები ცხოვრობდნენ. ყოველთვის მქონდა სურვილი დავბრუნებულიყავი საქართველოში, ჩემს საყვარელ ქალაქში ქუთაისში, რასაც ხელი შეუწყო იმან, რომ სიყვარული მეწვია და ოჯახი შევქმენი. მალევე გავხსენი ჩემი პატარა სტომატოლოგიური კაბინეტი და შევუდექი სამედიცინო პრაქტიკას, წლების განმავლობაში კი მივაღწიე იმას, რომ ერთი ექიმის კაბინეტიდან, ჩემი ორგანიზაცია სტომატოლოგიურ კლინიკად ჩამოყალიბდა. ეს ნამდვილად არ იყო ადვილი, თუმცა ჩემი საქმისადმი სიყვარული ყოველთვის მაძლევდა დიდ სტიმულს და შემართებას.

ის რომ ქალი ხართ, რამდენად გიწყობთ ხელს თქვენი საქმიანობის წარმართვაში….

-სიმართლე გითხრათ, ის რომ ქალი ვარ, ჩემს საქმიანობაში არც ხელის შემშლელი, ან ხელის შემწყობი ფაქტორი არ ყოფილა, არასდროს მიგრძვნია თავი ჩემი გენდერის გამო შევიწროვებულად, ან პრივილეგირებულ მდგომარეობაში მყოფად. არ ვიცი, ალბათ ნაწილობრივ იმის გამო, რომ ჩემი საქმიანობის ხელმძღვანელი და წარმმართველი ვიყავი მხოლოდ მე.

გაგვიზიარეთ რთული სიტუაცია, რომელიც შეგხვდათ თქვენს კარიერაში ან ბიზნესში და როგორ გადალახეთ იგი. რა ისწავლეთ ამ გამოცდილებიდან?

-სირთულეების დაძლევა, ალბათ სამუშაო პროცესია ნებისმიერ პროფესიაში. თუმცა ვფიქრობ ყველაზე მთავარი სირთულე არის, შენს გუნდთან მუშაობა და იმ ზღვარზე გავლა, სადაც თუნდაც ერთი ნაბიჯით აცდენა, ლიდერობიდან უბრალოდ გადაგაქცევს ჩვეულებრივ ხელმძღვანელად, ან უარესი –  ტირანად, ეს კი დამღუპველია როგორც ბიზნესისთვის, ასევე პიროვნული თვალსაზრისითაც.

რას თვლით თქვენს მთავარ მიღწევად? : რომელი მიღწევით ან პროექტით ხართ ყველაზე მეტად ამაყი თქვენს პროფესიულ მოგზაურობაში და რა გავლენა იქონია მან საზოგადობაზე?

-ჩემს მთავარ მიღწევად ვთვლი ყოველდღიურ მუშაობას, პიროვნული, პროფესიული განვითარებისთვის და ამაყი ვარ იმით, რომ ჩემს გვერდით მყავს, პროფესიონალების და საქმისადმი დიდი სიყვარულით განწყობილი მეგობრული გუნდი.

გვითხარით თქვენი მოსაზრება ქალის როლზე საზოგადოებაში…მიღწევები**: რომელი მიღწევით ან პროექტით ხართ ყველაზე მეტად ამაყი თქვენს პროფესიულ მოგზაურობაში და რა გავლენა იქონია მან საზოგადობაზე?

-ქალის როლი საზოგადოების ცხოვრებაში, მის განვითარებაში და ჩამოყალიბებაში არის უმნიშვნელოვანესი და შეუცვლელი. ჩემი უმთავრესი მიღწევა და პროექტი ამ კუთხით არის ის, რომ ჩემი გუნდის 80% არის, წარმატებული, თავდაჯერებული და თავის საქმიანობაში პროფესიონალიზმით გამორჩეული ქალები, რომლებიც არიან საზოგადოების წარმატებული და მისაბაძი წევრები.

რას ურჩევთ ქალებს, რომლებიც ახლა დგამენ თავიანთ პროფესიასა თუ ბიზნესში პირველ ნაბიჯებს?

-მე ვფიქრობ, რომ არ არსებობს წარმატების უნივერსალური ფორმულა, რომელიც ყველა შემთხვევაში იმუშავებს, თუმცა შემიძლია გამოვყო რამდენიმე მომენტი, რომელიც წარმატების მიღწევაში დაგვეხმარება:

• პირველ რიგში უნდა გვიყვარდეს ის საქმე რასაც ვაკეთებთ და არასდროს არ ჩავთვალოთ ის მძიმე ტვირთად.
• აუცილებელია ვიყოთ თავდაჯერებული და არ შეგვეშინდეს სირთულეების.
• აუცილებლად შეჰკარით თქვენს გარშემო ისეთი გუნდი, ვისაც თქვენსავით აქვთ გამოხატული საქმისადმი სიყვარული.
• და… წარმატება ერთ დღეში არ მოდის, ამიტომ თუკი თქვენ თვლით, რომ იმ საქმეს აკეთებთ, რაც გიყვართ – არ დანებდეთ!

საქართველოში, ქალაქ ქუთაისში, ექიმმა ეკატერინე ცირეკიძემ თავი დაიმკვიდრა, როგორც სტომატოლოგიის დარგის გამოჩენილი ფიგურა. ენდოდონტიის, პაროდონტოლოგიისა და ორთოპედიის სპეციალობით, მისი პროფესია არის გამოწვევებისა და უწყვეტი აღმოჩენების დინამიური ნაზავი. ამ ინტერვიუში ექიმი ცირეკიძე გვიზიარებს თავის მოგზაურობას, მის პროფესიას და მოსაზრებებს ქალის როლზე საზოგადოებაში.