დღეს ჩვენ გვინდა წარმოგიდგინოთ ანა ყურუას შთამაგონებელი მოგზაურობა ბალახის სამყაროში.

გაიცანით ანა ყურუა, 36 წლის ჟურნალისტი, რომელიც გახდა წარმატებული მეწარმე, მონდომების, გამძლეობისა და სტერეოტიპების გამოწვევების შესანიშნავი ისტორიით. ანას მოგზაურობა თურქეთიდან საქართველოში და პიროვნული მოღვაწეობა ლანდშაფტის დიზაინის სფეროში გახდა მაგალითი ქალებისთვის, რომლებიც ისწრაფვიან სტერეოტიპების გარღვევასა და ოცნებების ასრულებაში.

ანა განათლებით ჟურნალისტია, მაგრამ მისი კარიერული მოგზაურობა მოულოდნელად განვითარდა, როდესაც კარიერული მოღვაწოება თურქეთში გააგრძელა.მისი საქმიანობა ლანდშაფტის დიზაინი გახლდათ, რაც ხელოვნური გაზონის მოყვანას გულისხმობს.მას ამ სფეროში მენეჯერული როლი ეკავა, სადაც ღირებული გამოცდილება მიიღო.

თუმცა, როდესაც ანა სამშობლოში, საქართველოში დაბრუნდა, აღმოჩნდა ფაქტის წინაშე, რომ მისი პროფესია ჟურნალისტიკაში არ იყო ხელმისაწვდომი. ეს მისთვის იყო გარდამტეხი მომენტი, რამაც მიიყვანა საკუთარი ბიზნესის წამოწყების იდეამდე, ხოლო შემდეგ კი ორგანიზების წინაშე.

2019 წელს ანამ გადადგა ნაბიჯი  და დააარსა კომპანია “Grass World”, რომელიც გაზონის დიზაინსა და მოვლას გულისხმობს. მისი გატაცება პროექტისადმი აშკარა იყო, როდესაც მან თურქეთიდან კასპის რაიონში ინვენტარი, ბალახის თესლები და მასალები ჩამოიტანა. მან საკუთარი ბიზნესის დასაწყებად მიწაც კი იქირავა სოფელ ოკამში.

ანას მოტივაციას რაც შეეხება, წარმატებისკენ მისი ურყევი ერთგულება უბიძგებს- შვილის მომავლის მიმართ. სჯერა, რომ ყველაფერს გააკეთებს იმისათვის, რომ შვილს უკეთესი ცხოვრება ჰქონდეს.

ანას თავგადასავალს გამოწვევების გარეშე არ ჩაუვლია. საქართველოში მას სკეპტიციზმი, კრიტიკა და წინააღმდეგობაც კი შეხვდა-მის სფეროში მოღვაწე ადამიანების მხრიდან. ანა პირველი ქალია საქართველოში, რომელიც წარმატებით მოღვაწეობს ამ სფეროში. ის არა მხოლოდ ბალახს თესავს, არამედ გაყიდვებითაც გამოირჩევა, რითაც ნამდვილად არღვევს გენდერულ სტერეოტიპებს.

მიუხედავად იმ დაბრკოლებებისა, რაც მას ხვდებოდა, როგორც ქალი თავის სფეროში, ანას ცოდნამ და გამოცდილებამ საშუალება მისცა დაეძლია თითოეული გამოწვევა.  დღეს ის თავის სფეროში მართლაც, რომ ლიდერია.  მის გამოცდილებას დიდ პატივს სცემენ და რეკომენდაციებისთვისაც ხშირად მიმართავენ.

ანა ხედავს თავის ბიზნესს, Grass World-ს, როგორც ბევრისთვის საარსებო წყაროს. ამჟამად კასპის რაიონის სოფელ ოკამში ყოველდღიურად 20 ადამიანს ასაქმებს, ის მიზნად ისახავს საწარმოს გაფართოებას სხვა რეგიონებში, რაც შემდგომში ხელს შეუწყობს სამუშაო ადგილების შექმნას.

ანას ისტორია არის დადასტურება მონდომებისა და შრომისმოყვარეობის ძალაზე. ის ქალებს ურჩევს, რომ არ დანებდნენ რთულ დროს და მიიღონ გამოწვევები, როგორც ყოველდღიურობის ნაწილი. სიმტკიცითა და დაჟინებით მათ შეუძლიათ თავიანთი კვალი დატოვონ საზოგადოებაში.

ანა აქტიურად მონაწილეობს სოციალურ აქტივობებში და ყოველდღიურად აგრძელებს პიროვნულ ზრდას. მას სჯერა პასუხის გაცემის მნიშვნელობისა მათთვის, ვინც ამას იმსახურებს, ისევე როგორც “გრაფი მონტე კრისტოს” შურისძიების თემა.

„Grass World“ სიმბოლოა ქალების გაძლიერებისა და მისი საზოგადოებისთვის წვლილის შეტანისადმი. ანა ყურუას კარიერული მოგზაურობა დასტურია იმ ქალების სიძლიერისა, რომლებიც ბედავდნენ ოცნებას და დაუღალავად მუშაობენ ამ ოცნებების რეალიზებისთვის.